రావులపాలెం జిల్లా వాణి కోనసీమ ప్రతినిధి
కొత్తపేట నియోజకవర్గం రావులపాలెంలోని జనసేన పార్టీ 13వ ఆవిర్భావ దినోత్సవ వేడుకలను రావులపాలెం క్యాంపు కార్యాలయంలో ఘనంగా నిర్వహించారు. ఈ సందర్భంగా కొత్తపేట నియోజకవర్గ జనసేన పార్టీ ఇన్చార్జ్ బండారు శ్రీనివాస్ పార్టీ జెండాను ఆవిష్కరించారు.అనంతరం పంచాయతీ పారిశుద్ధ్య కార్మికులకు బట్టలు పంపిణీ చేసి వారిని సత్కరించారు. సమాజ సేవలో భాగంగా జనసేన పార్టీ ప్రజలకు అండగా నిలుస్తుందని ఈ సందర్భంగా నాయకులు తెలిపారు.ఈ కార్యక్రమంలో రావులపాలెం మండలం జనసేన పార్టీ అధ్యక్షులు తోట స్వామి సలాది రామకృష్ణ కూన సూర్య ప్రకాష్ జనసేన పార్టీ నాయకులు, వీరమహిళలు, కార్యకర్తలు, అభిమానులు పెద్ద సంఖ్యలో పాల్గొన్నారు.