జగ్గంపేట, ఏప్రిల్ 16: ఇంటర్మీడియట్ బోర్డు గురువారం విడుదల చేసిన ఫలితాల్లో స్థానిక వివేకానంద జూనియర్ కళాశాల విద్యార్థులు అద్భుత ప్రతిభ కనబరిచి విజయభేరి మోగించారు. గ్రామీణ ప్రాంత విద్యార్థులకు నాణ్యమైన విద్యను అందిస్తూ, ఫలితాల్లో తమదైన ముద్ర వేస్తూ వివేకానంద విద్యాసంస్థలు మరోసారి సత్తా చాటాయి.
ఆర్ట్స్ విభాగంలో రికార్డు విజయం ముఖ్యంగా ఎం.ఇ.సి (MEC) విభాగంలో యన్. దారికా సిద్ది 500 మార్కులకు గాను 482 మార్కులు సాధించి (H.T. No 2607129860) సరికొత్త రికార్డు సృష్టించారు. ఆర్ట్స్ విభాగంలో జగ్గంపేట పరిసర ప్రాంతాల్లో మునుపెన్నడూ లేని విధంగా ఇంతటి భారీ మార్కులు సాధించడం విశేషం. కళాశాల విద్యార్థులు అన్ని విభాగాల్లోనూ మెరుగైన స్కోర్లతో ప్రతిభ చాటారు:యన్. దారికా సిద్ది MEC 482 / 500 (H:2607129860), కె. రాణీ జ్యోత్స్నా MPC 434 / 470 (H:2607129841), కె. రూపా గంగాభవానీ BiPC 413, ఈ ఏడాది కళాశాల మొత్తం 90 శాతం ఉత్తీర్ణత సాధించి, జగ్గంపేట ప్రాంతంలో అగ్రగామిగా నిలిచింది. విద్యార్థుల క్రమశిక్షణ, అధ్యాపకుల అంకితభావం వల్లే ఈ విజయం సాధ్యమైందని యాజమాన్యం కొనియాడింది. “మా విద్యార్థులు సాధించిన ఈ విజయం గర్వకారణం. ముఖ్యంగా ఆర్ట్స్ విభాగంలో దారికా సిద్ది సాధించిన మార్కులు ఈ ప్రాంతానికే గర్వకారణం. కష్టపడి చదివి కళాశాలకు పేరు తెచ్చిన విద్యార్థులందరికీ, వారికి సహకరించిన తల్లిదండ్రులకు, అధ్యాపక బృందానికి అభినందనలు. తెలిపిన
— ఒమ్మి రఘురామ్, ప్రిన్సిపాల్ & కరెస్పాండెంట్
విజయం సాధించిన విద్యార్థులను కళాశాల ప్రాంగణంలో ఘనంగా అభినందించారు. ఈ కార్యక్రమంలో అధ్యాపకులు, విద్యార్థులు మరియు వారి తల్లిదండ్రులు పాల్గొని మిఠాయిలు పంచుకుని సంతోషాన్ని వ్యక్తపరిచారు.
