జిల్లా వాణి ప్రతినిధి : కాకినాడ జిల్లా గండేపల్లి మండలం సాంకేతిక పరిజ్ఞానాన్ని ఉపయోగించి బాధితులు పోగొట్టుకున్న బంగారాన్ని గండేపల్లి పోలీసులు అతి తక్కువ సమయంలోనే రికవరీ చేశారు. దీనికి సంబంధించిన వివరాలను గండేపల్లి ఎస్ ఐ శివ నాగబాబు వెల్లడించారు. పశ్చిమగోదావరి జిల్లా పెంటపాడు మండలం రాచర్ల గ్రామానికి చెందిన బూరుగుపల్లి శ్రీనివాస్, ఈ నెల 5వ తేదీన ఉదయం 11 గంటల సమయంలో గండేపల్లి మండలంలోని మల్లేపల్లి వద్ద గల ‘ఆంధ్రా లార్జెస్ట్ హోటల్’ కు వచ్చారు. ఆ సమయంలో ఆయన ధరించిన సుమారు 16 గ్రాముల బంగారు చైన్ పోగొట్టుకున్నారు. దీనిపై ఆయన గండేపల్లి పోలీస్ స్టేషన్లో ఫిర్యాదు చేశారు. పోలీసుల వేగవంతమైన దర్యాప్తు లో ఫిర్యాదు అందిన వెంటనే ఎస్ ఐ శివ నాగబాబు ఆధ్వర్యంలో పోలీసులు రంగంలోకి దిగారు. అధునాతన సాంకేతిక పరిజ్ఞానాన్ని ఉపయోగించి, హోటల్ పరిసరాలను క్షుణ్ణంగా పరిశీలించి బంగారు చైన్ ఆచూకీని కనిపెట్టారు. రికవరీ చేసిన ఆ బంగారు గొలుసును బాధితుడు శ్రీనివాస్కు అందజేశారు.”ప్రజలు తమ విలువైన వస్తువుల పట్ల జాగ్రత్తగా ఉండాలి. ఏదైనా వస్తువు పోయినప్పుడు వెంటనే ఫిర్యాదు చేస్తే సాంకేతిక పరిజ్ఞానం ద్వారా వాటిని త్వరగా గుర్తించే అవకాశం ఉంటుంది.” – శివ నాగబాబు, ఎస్ ఐ. తమ బంగారాన్ని తిరిగి అప్పగించినందుకు బాధితుడు శ్రీనివాస్ పోలీసులకు ప్రత్యేక కృతజ్ఞతలు తెలిపారు. సకాలంలో స్పందించి బంగారాన్ని రికవరీ చేసిన ఎస్ ఐ మరియు సిబ్బందిని పలువురు అభినందించారు
